విధులు బహిష్కరించిన వేములవాడ న్యాయవాదులు

న్యాయవాదిపై పోలీసుల దాడికి నిరసనగా వేములవాడ కోర్టు విధులను గురువారం బహిష్కరించారు. కోర్టు ప్రధాన ద్వారం వద్ద నిరసన తెలిపినట్లు వేములవాడ బార్ అసోసియేషన్ అధ్యక్షులు గుడిసె సదానందం తెలిపారు. సిద్దిపేట కోర్టులో ప్రాక్టీస్ చేస్తున్న న్యాయవాది రవికుమార్ ఓ కేసు విషయమై క్లైంట్ తరఫున మాట్లాడడానికి సిద్దిపేట టూ టౌన్ పోలీస్ స్టేషన్ కి వెళ్ళగా, అక్కడ విధులు నిర్వర్తిస్తున్న పోలీసులు దాడికి పాల్పడ్డారని అన్నారు.