చౌటుప్పల్: ఆర్టీసీ బస్సు బోల్తా

చౌటుప్పల్ మండలం బొర్రోళ్ల గూడెం స్టేజ్ వద్ద సోమవారం రోడ్డు ప్రమాదం చోటుచేసుకుంది. మిర్యాలగూడ డిపోకు చెందిన ఎక్స్ ప్రెస్ బస్సు బోల్తా కొట్టింది. ఈ ప్రమాదంలో పలువురు ప్రయాణికులకు గాయాలయ్యాయి. గాయపడిన వారి పూర్తి వివరాలు తెలియాల్సి ఉంది. ప్రమాదానికి కారణం అతివేగమే అని ప్రయాణికులు తెలిపారు. ఘటన స్థలానికి చేరుకున్న పోలీసులు దర్యాప్తు చేపట్టారు.