వెలుగులోకి గోవుల అక్రమ రవాణా

గోవులను హైదరాబాద్ కు తరలిస్తున్న డీసీఎం ప్రమాదానికి గురికావడంతో గోవుల అక్రమ రవాణా వెలుగులోకి వచ్చింది. ఈ ఘటన సూర్యాపేట జిల్లా జాజిరెడ్డిగూడెం మండలం అర్వపల్లి వద్ద శుక్రవారం తెల్లవారుజామున జరిగింది. శ్రీకాకుళం నుంచి హైదరాబాద్ కు సుమారు 75 గోవులను డీసీఎం వాహనంలో 365 ఏ రహదారిపై తరలిస్తున్నారు. మార్గమధ్యలో అర్వపల్లి లో రోడ్డు పక్కన ఆపిన ఖాళీ ఇసుక లారీని ఢీకొట్టి ఆగిపోయింది. ప్రమాదంలో గోవుల డీసీఎం డ్రైవర్ సీట్, స్టీరింగ్ మధ్యలో ఇరుక్కోవడంతో స్థానికులు రక్షించి, సూర్యాపేట ప్రభుత్వ ఆస్పత్రికి తరలించినట్లు తెలుస్తోంది.