భారత మహిళా సాఫ్ట్‌బాల్ జట్టుకు తెలంగాణ అమ్మాయి ఎంపిక

ఆసియా కప్ భారత మహిళా సాఫ్ట్ బాల్ జట్టుకు తెలంగాణకు చెందిన చెపుర్వ ప్రవల్లిక ఎంపికైంది. వచ్చే నెల 14 నుంచి 20 వరకు చైనాలోని జియాన్‌లో జరిగే ఆసియా కప్‌లో పాల్గొననుంది. ఈ నేపథ్యంలోనే శనివారం మినిస్టర్ క్వార్టర్స్‌లో మంత్రి పొన్నంను ప్రవల్లిక మర్యాదపూర్వకంగా కలుసుకున్నారు. ప్రవల్లికను మంత్రి పొన్నం అభినందించి శుభాకాంక్షలు తెలిపారు. ఆసియా కప్ సాఫ్ట్ బాల్ పోటీల్లో ప్రవల్లిక రాణించాలని ఆకాంక్షించారు.