విధుల్లో ఎలాంటి అలసత్వం ఉండకూడదు: మంత్రి సీతక్క

హైదరాబాద్ మధురానగర్లోని మహిళా శిశు సంక్షేమ శాఖ కమిషనరేట్ కార్యాలయంలో జిల్లా సంక్షేమ అధికారులతో మంత్రి సీతక్క సమీక్ష సమావేశం నిర్వహించారు. జిల్లాల వారీగా మహిళా శిశు సంక్షేమ శాఖలో జరుగుతున్న అభివృద్ధి పురోగతిని, పని తీరును, పథకాల అమలును మంత్రి సమీక్షించారు. అంగన్వాడి కేంద్రాల్లో ఎలాంటి చిన్న పొరపాట్లు లేకుండా చూసుకోవాలని మంత్రి పేర్కొన్నారు. అధికారులంతా తమ పనితీరును మెరుగుపరుచుకోవాలని, విధుల్లో ఎలాంటి అలసత్వం ఉండకూడదని సూచించారు.