మద్దూరులో అంబేద్కర్ విగ్రహావిష్కరణ

కొడంగల్ నియోజకవర్గం మద్దూరు మండలం ఖాజీపూర్ గ్రామంలో నూతనంగా ఏర్పాటు చేసిన రాజ్యాంగ నిర్మాత డాక్టర్ బిఆర్ అంబేద్కర్ విగ్రహాన్ని మంగళవారం కడా ప్రత్యేక అధికారి వెంకట్ రెడ్డి ఆవిష్కరించారు. బడుగుబలహీన వర్గాల ప్రజల ఆశ జ్యోతి అంబేద్కర్ అని అన్నారు. దేశానికి రాజ్యాంగాన్ని రచించి దిక్సూచిగా నిలిచారని, ఆశయాలు సాధనకు అందరం కృషి చేద్దామని అన్నారు. కార్యక్రమంలో రాజకీయ నాయకులు, దళిత సంఘాల నాయకులు పాల్గొన్నారు.