రేగొండ: మేము వచ్చాం.. తండ్రి మృతదేహం వద్ద విలపించిన కూతురు

భూపాలపల్లి జిల్లా రేగొండ మండలంలో విషాదకర ఘటన చోటు చేసుకుంది. రేపాక గ్రామానికి చెందిన బోయిని తిరుపతి రాజ్ తన వ్యవసాయ భూమిలో ట్రాక్టర్ తో దున్నుతూ ప్రమాదవశాత్తు బావిలో పడ్డాడు. దీంతో తీవ్ర గాయాలై ఆయన మృతి చెందాడు. ఈ క్రమంలో తిరుపతి మృతదేహం మీద పడి భార్య, కూతురు, కుమారుడు గుండెలవిసేలా రోదించారు. 'నాన్న లే ఒకసారి.. అమ్మ, తమ్ముడు వచ్చాం' అంటూ.. తండ్రి మృతదేహన్ని చూసి కూతురు విలపించిన తీరు కన్నీళ్లు తెప్పిస్తోంది.