ములుగు జిల్లా వ్యాప్తంగా కొలువుదీరిన దుర్గామాత

ములుగు జిల్లా వ్యాప్తంగా దేవి శరన్నవ రాత్రి ఉత్సవాలు గురువారం నుండి ప్రారంభమయ్యాయి. దుర్గమాత విగ్రహాలను శోభాయాత్రగా తరలించి నిర్వాహకులు ఏర్పాటుచేసిన మండపాల్లో ఆలయాల్లో ప్రతిష్టించారు. వేదమంత్రాల మధ్య భక్తిశ్రద్ధలతో ప్రత్యేక పూజలు నిర్వహించారు. డప్పు, డీజే చప్పుళ్ల మధ్య నిర్వహించిన శోభాయాత్రకు మహిళలు, చిన్నారులు పాల్గొని నృత్యాలు చేశారు. అనంతరం మంగళహారతులతో అమ్మవారికి ఘనస్వాగతం పలికారు.