వాజేడు మండలంలో రెండు లారీలు ఢీ.. ఇద్దరు డ్రైవర్లకు గాయాలు

ములుగు జిల్లా వాజేడు మండలంలో శుక్రవారం ఘోర రోడ్డు ప్రమాదం జరిగింది. స్థానికులు తెలిపిన వివరాల ప్రకారం. వాజేడు మండలంలోని గుమ్మడిదొడ్డి వంతెన సమీపంలో 163 జాతీయ రహదారిపై రెండు ఇసుక లారీలు ఎదురెదురుగా ఢీకొన్నాయి. ఈ ప్రమాదంలో ఇద్దరు డ్రైవర్లకు తీవ్ర గాయాలయ్యాయి. స్థానికుల ద్వారా సమాచారం అందుకున్న 108 వాహనం ఘటనా స్థలానికి చేరుకొని బాధితులను ఏటూరునాగారం ప్రభుత్వ ఆసుపత్రికి తరలించి చికిత్స అందిస్తున్నారు.