హ్యాచరీస్ ను మూసివేయాలని గ్రామస్తుల ఆందోళన

వరంగల్ జిల్లా రాయపర్తి మండల కేంద్రంలోని సత్యనారాయణ హ్యాచరీస్ ముందు బుధవారం రైతులు, గ్రామస్థులు ఆందోళన చేపట్టారు. కోళ్ల ఫారంలలో వినియోగించే ప్రమాదకర రసాయనాలను మంచినీటి చెరువులో కలపడం వల్ల తీవ్ర అనారోగ్యాల బారిన పడుతున్నామని వెంటనే హ్యాచరీస్ ను మూసివేయాలని డిమాండ్ చేశారు. ఇప్పటికైనా అధికార యంత్రం స్పందించి హేచరీస్ ను మూసివేయాలని లేనిపక్షంలో ఆందోళన తీవ్రతరం చేస్తామని హెచ్చరించారు.