పిఠాపురంలో కూటమి నాయకులు మధ్య ఘర్షణ

పిఠాపురంలో శుక్రవారం కూటమి నేతల మధ్య స్వల్ప ఘర్షణల వాతావరణం నెలకొంది. స్థానిక మున్సిపల్ కళ్యాణ మండపంలో ఎమ్మెల్సీ ఎన్నిక నేపథ్యంలో నియోజకవర్గ స్థాయి విస్తృత సమావేశం జరిగింది. ఈ సమావేశంలో ఎమ్మెల్సీ అభ్యర్థి పేరాబత్తుల రాజశేఖర్ కూటమి అభ్యర్థినా, లేక టిడిపి అభ్యర్థినా అంటూ జనసేన నేత కురుమళ్ళ రాంబాబు ప్రశ్నించారు. ఈ క్రమంలో కూటమి నేతల మధ్య మాటామాటా పెరిగి ఉధృత వాతావరణ పరిస్థితులు ఏర్పడ్డాయి.