రేపు తాడేపల్లిగూడెంలో మెగా జాబ్ మేళా

తాడేపల్లిగూడెం పట్టణంలోని స్థానిక ఎల్ఐసీ బిల్డింగ్ సమీపంలోని శ్రీ వాసవి డిగ్రీ కళాశాలలో గురువారం జాబ్‌మేళా నిర్వహించనున్నారు. ఈ మేరకు బుధవారం కళాశాల ప్రిన్సిపల్ రామకృష్ణ ఒక ప్రకటన విడుదల చేశారు. పదవ తరగతి నుంచి డిగ్రీ, బీటెక్, డిప్లమో పూర్తి చేసిన నిరుద్యోగులు అర్హులుగా పేర్కొన్నారు. ఆరు కంపెనీలకు చెందిన ప్రతినిధులు ఇంటర్వ్యూలు నిర్వహిస్తారని, నిరుద్యోగ యువత వినియోగించుకోవాలని కోరారు.