జమ్మలమడుగు: మూడో రోజు ఆర్టీపీపీ వద్ద భారీ బందోబస్తు

జమ్మలమడుగులో రాయలసీమ థర్మల్ పవర్ ప్రాజెక్టు (ఆర్టీపీపీ) వద్ద మూడో రోజు గురువారం పోలీసులు భారీగా మోహరించారు. తాడిపత్రి మాజీ ఎమ్మెల్యే జేసీ ప్రభాకర్ రెడ్డి, జమ్మలమడుగు ఎమ్మెల్యే ఆదినారాయణరెడ్డి మధ్య నెలకొన్న వివాదం మూడో రోజు కూడా కొనసాగుతోంది. ఈ నేపథ్యంలో తెల్లవారు జామున 5 గంటల నుంచే పోలీసులు భారీ బందోబస్తు ఏర్పాటు చేశారు. ముఖ్యమంత్రి చంద్రబాబు నుంచి వారికి పిలుపు వచ్చిన విషయం తెలిసిందే.