ఎస్ కోట: గ్రీన్ అంబాసిడర్లకు వేతన బకాయిలు చెల్లించాలి

ఎస్. కోట పంచాయతీలో గ్రీన్ అంబాసిడర్లుగా పనిచేస్తున్న పారిశుద్ధ్య కార్మికులకు తక్షణమే వేతన బకాయిలు చెల్లించాలని సిఐటియు జిల్లా కార్యదర్శి మద్దిల రమణ డిమాండ్ చేశారు. ఈ మేరకు స్థానిక ఎంపీడీవో కార్యాలయం వద్ద గ్రీన్ అంబాసిడర్లతో గురువారం ధర్నా చేపట్టారు. గ్రీన్ అంబాసిడర్లకు ఉద్యోగ భద్రత కల్పించాలని కోరారు. వారి న్యాయమైన డిమాండ్లు నెరవేర్చాలని లేనిపక్షంలో ఆందోళన ఉధృతం చేస్తామని హెచ్చరించారు.