పెరుగుతున్న స్కార్లెట్ ఫీవర్ బాధితుల సంఖ్య

హైదరాబాద్ చిన్నారులలో స్కార్లెట్ జ్వరం వ్యాప్తి ఆందోళనకు గురిచేస్తోంది. రోజురోజుకు దీని బారినపడుతున్న చిన్నారుల సంఖ్య పెరుగుతుండడంతో ఆసుపత్రులన్నీ పిల్లలతో నిండిపోతున్నాయి. సరిగ్గా పిల్లలకు పరీక్షలు ప్రారంభమైన సమయంలో ఈ వ్యాధి వ్యాప్తి ఇబ్బంది పెడుతోంది. ప్రతి 20 మంది చిన్నారుల్లో 12 మందిలో స్కార్లెట్ జ్వరం లక్షణాలు కనిపిస్తున్నట్టు వైద్యులు తెలిపారు. గతంలోనూ ఈ వ్యాధి కనిపించినప్పటికీ ఇప్పుడు దీని తీవ్రత మరింతగా పెరిగింది.