పట్టాలపై రీల్స్ చేస్తుండగా రైలు రావడంతో మూడేళ్ల బాలుడితో సహా తల్లిదండ్రులు మృతి

ఉత్తరప్రదేశ్‌లో దారుణ సంఘటన జరిగింది. పట్టాలపై రీల్స్ చేస్తుండగా రైలు దూసుకురావడంతో మూడేళ్ల బాలుడితో సహా తల్లిదండ్రులు ప్రాణాలు కోల్పోయారు. సీతాపూర్‌ జిల్లాకు చెందిన ఓ వ్యక్తి (26) తన భార్య, మూడేళ్ల బాలుడితో కలిసి రైలు పట్టాలపై రీల్స్‌ చేస్తున్నాడు. ఇంతలో రైలు వేగంగా వారి పైకి దూసుకురావడంతో ప్రాణాలు కోల్పోయారు. ఈ విషాదకర ఘటన ఉమరియా గ్రామ సమీపంలో చోటుచేసుకుంది. వారి మృతదేహాలను పోస్టుమార్టం నిమిత్తం ఆసుపత్రికి తరలించారు.