దేశీయంగా తొలిసారి మంకీపాక్స్‌ ఆర్టీ-పీసీఆర్‌ కిట్‌ తయారు చేసిన మెడ్‌టెక్‌

ఏపీ విశాఖలోని మెడ్‌టెక్ జోన్ మరో ఘనత సాధించింది. దేశీయంగా తొలిసారి మంకీపాక్స్ ఆర్టీ-పీసీఆర్ కిట్‌ను ఉత్పత్తి చేసింది. ఎర్బాఎండీఎక్స్ మంకీపాక్స్ ఆర్టీ-పీసీఆర్ పేరుతో కిట్ రూపకల్పన చేసింది. ఈ కిట్‌ను ఐసీఎంఆర్, సీడీఎస్‌సీఓ నుంచి అత్యవసర అంగీకారం లభించినట్లు సంస్థ ప్రకటించింది. ఆరోగ్య రంగంలో మనదేశ ప్రతిభకు ఇదే తార్కాణమని సంస్థ సీఈఓ జితేంద్ర శర్మ తెలిపారు.