మక్తల్ - Maktal

రేపు హాలిడే అనుకుంటున్నారా? కాదు, పజాస్వామ్యంలో అతి ముఖ్యమైన రోజు. హాలిడే ఇచ్చారు కదా అని ట్రిప్ ప్లాన్ చేశారా? అయితే మీ తదుపరి తరాల బంగారు భవిష్యత్ కు కళ్లెం వేసినట్లే. ఓటు.. దేశ భవిష్యత్ ను, తలరాతను మార్చే ఆయుధం. అందుకే అంటారు ఓటు హక్కు ప్రతి మనిషి యొక్క వజ్రాయుధం అని. నేను ఓటు వేయకుంటే ఏమైతుందనే నిర్లక్ష్యం వద్దు. ఎక్కడ ఉన్నా సరే మే 13వ తేదీన మీ ఓటు హక్కును వినియోగించుకోండి. 5 ఏండ్లకు ఒక్కసారి ఓటు వేసే అవకాశం వస్తుంది. ఆ అవకాశం కోసం మనం 5 నిమిషాలు కేటాయించలేమా.. ప్రతి సంవత్సరం కూడా ఓటింగ్ శాతం తగ్గిపోతుంది. మరీ ముఖ్యంగా చదువుకున్న వారే ఓటు వేయకపోవడం మరీ బాధాకరం. చదువుకున్న వారు రాజకీయాలను పట్టించుకోవడం లేదు కాబట్టే అర్హత లేని వారు రాజకీయాలను ఏలుతున్నారు. ఈ దేశాన్ని, రాష్ట్రాన్ని ఏలుతున్నారు. నేడు ఎన్నికలన్నీ డబ్బుమయమయ్యాయి. అవన్నీ పోవాలంటే అందరూ ఓటు వేయాలి. సెలవు లేదనో, రాలేననో సాకుతో రాకుండా ఉండి ఓటు వేయకుండా ఉండవద్దు. ఎక్కడ ఉన్నా సరే ఇప్పటి నుంచే ప్రణాళిక చేసుకొని మీ ఓటు హక్కును వినియోగించుకోండి. దేశ మార్పులో పాలు పంచుకోండి. పురుషుల కంటే మహిళలే ఓటర్లుగా ఎక్కువ ఉన్నారు. ఎక్కడ ఉన్నా వస్తారు కదమ్మ. ఓటరు మహాశయా.. మరవకు నీ ఓటు. గుర్తు పెట్టుకో మే 13. తప్పకుండా ఎక్కడ ఉన్నా అందరూ వస్తారు కదూ.