మధ్యప్రదేశ్‌లో ఆదివారం రైలు ప్రమాదం జరిగినట్లు తెలుస్తోంది. కదులుతున్న రైలులో ఒక్కసారిగా మంటలు చెలరేగాయి. దీంతో ప్రయాణికులు భయాందోళనకు గురై రైలు నుంచి కిందకి దూకి ప్రాణాలు కాపాడుకున్నారు. ఈ ఘటన రత్లాం సమీపంలోని ప్రీతమ్ నగర్, రునియా రైల్వే స్టేషన్ మధ్య జరిగింది. ఈ ప్రమాదంలో ఎలాంటి ప్రాణ నష్టం జరగలేదని, మంటలను అదుపులోకి తెచ్చామని అధికారులు తెలిపారు. ఈ వీడియో సోషల్ మీడియాలో వైరల్ అవుతోంది.