నేడు వరంగల్‌కు ప్రధాని మోడీ

ప్రధాని నరేంద్ర మోడీ వరంగల్ పర్యటనకు సర్వం సిద్ధమైంది. శనివారం హనుమకొండ ఆర్ట్స్ కళాశాల మైదానంలో ఏర్పాటు చేసిన బహిరంగ సభలో ఆయన పాల్గొని ప్రసంగించనున్నారు. వారణాసి నుంచి ఉదయం 7:35 గంటలకు ప్రధాని ప్రత్యేక విమానంలో హకీంపేట విమానాశ్రయానికి చేరుకుంటారు. అక్కడి నుంచి హెలికాప్టల్‌లో వరంగల్‌కు బయలుదేరుతారు. బహిరంగ సభ, శంకుస్థాపన కార్యక్రమాలు ముగించుకుని మధ్యాహ్నం 12:20 గంటలకు తిరుగు ప్రయాణం కానున్నారు.