AP: అనంతపురం జిల్లా కళ్యాణదుర్గం మండలంలో దారుణం జరిగింది. పాల్వాయి గ్రామానికి చెందిన రామాంజనేయులు ఇద్దరు యువకులపై కత్తితో దాడి చేశాడు. వన్నూరు స్వామి, హేమంత్ అనే యువకులు ఫోన్‌లో గేమ్ ఆడుతున్నారు. అప్పుడే రామాంజనేయులు అక్కడి వచ్చి వీడియో తీస్తుండగా.. ఎందుకు తీస్తున్నావని అడగడంతో వారి మధ్య గొడవ జరిగింది. దాంతో ఆవేశానికి గురైన రామాంజనేయులు ఇంటికి వెళ్లి కత్తి తీసుకొచ్చి వారిపై దాడి చేశాడు. వీరి మధ్య పాత కక్షలు ఉన్నట్లు సమాచారం.