విషాదం.. కొడుకును కాపాడి తండ్రి మృతి

మేడ్చల్ జిల్లా మూడు చింతలపల్లి మండలంలో విషాదం చోటు చేసుకుంది. కొడుకు కోసం తండ్రి ప్రాణం పణంగా పెట్టాడు. వివరాల్లోకి వెల్తే.. అనంతారం గ్రామానికి చెందిన వెంకటేష్ (40) కుమారుడితో కలిసి పంట పొలానికి మందు చల్లుతున్నాడు. ఈ క్రమంలో కుమారుడికి విద్యుత్ తీగలు తగిలి కరెంట్ షాక్ తగలడంతో తండ్రి వెంటనే అప్రమత్తమయ్యాడు. కుమారుడిని పక్కకు నెట్టడంతో విద్యుత్ తీగలు వెంకటేష్‌పై పడి అతను స్పాట్‌లోనే మృతి చెందాడు.