AP: వైఎస్సార్ జిల్లా పులివెందుల సమీపంలో బుధవారం ఆర్టీసీ బస్సు అదుపు తప్పి లోయలో పడింది. ఈ ప్రమాదంలో 20 మంది ప్రయాణికులకు గాయాలయ్యాయి. ఇద్దరి పరిస్థితి విషమంగా ఉంది. క్షతగాత్రులను పులివెందుల ప్రభుత్వ ఆస్పత్రికి తరలించారు. కదిరి నుంచి పులివెందుల వెళ్తుండగా.. ఎదురుగా వస్తున్న వాహనాలను తప్పించబోయి బస్సు 30 అడుగుల లోయలో పడింది. ఘటనకు సంబంధించి పూర్తి వివరాలు తెలియాల్సి ఉంది.