AP: అనంతపురం జిల్లాలో జరిగిన ఘోర రోడ్డు ప్రమాదంలో మృతుల సంఖ్య ఏడుకు చేరింది. గార్లదిన్నె మండలం తలగాసిపల్లి క్రాస్ రోడ్డు వద్ద ఆటోను ఆర్టీసీ బస్సు ఢీకొట్టిన విషయం తెలిసిందే. ఈ ఘటనలో ఇద్దరు అక్కడికక్కడే చనిపోగా.. ఆస్పత్రిలో చికిత్స పొందుతూ ఐదుగురు మృతి చెందారు. మృతులు పుట్లూరు మండలం ఎల్లుట్లకు చెందిన వారిగా పోలీసులు గుర్తించారు. వీళ్లంతా కూలీ పనులకు ఆటోలో వెళ్తుండగా ప్రమాదం జరిగింది.