ఏపీలోని పలు ప్రాంతాల్లో వర్షాలు దంచికొడుతున్నాయి. రాయలసీమ, దక్షిణ కోస్తా జిల్లాల్లోని పలు చోట్ల భారీ వర్షాలు కురుస్తున్నాయి. అనంతపురంలో ఉరుములు, మెరుపులతో వాన పడింది. పల్నాడు జిల్లాలోనూ విస్తారంగా వర్షాలు కురుస్తున్నాయి. బెల్లంకొండ-ఎర్రబాలెం మేజర్ కాలువకు గండి పడటంతో కోత దశలో ఉన్న వరి పొలాలు నీట మునిగాయి. భారీ వర్షాలకు ముంపు ప్రాంతాలు జలమయం అయ్యాయి.