రూ.5 వేలకు ఓటు అమ్ముకున్న ఎస్ఐ

డబ్బుకు ఓటు అమ్ముకోవద్దని చెప్పాల్సిన ఎస్ఐ తన ఓటు అమ్ముకుని సస్పెండ్ అయ్యారు. మంగళగిరి టౌన్ ఎస్ఐ ఖాజాబాబుకు ప్రకాశం జిల్లా కురిచేడులో ఓటు ఉంది. ఎస్ఐతో ఓటు వేయిస్తామని ఆయన బంధువులు ఓ పార్టీ నాయకుడి నుంచి రూ.5 వేలు తీసుకుని.. ఎస్ఐకి ఆన్‌లైన్‌లో పంపారు. ఆ తర్వాత డబ్బులు పంచుతూ సదరు నాయకుడు పోలీసులకు చిక్కాడు. విచారణలో ఎస్ఐకి నగదు పంపినట్లు తేలింది. ఈ మేరకు ఆయనను సస్పెండ్ చేస్తూ ఐజీ ఉత్తర్వులు జారీ చేశారు.