AP: పాలకొల్లులోని శ్రీరామ్ నగర్‌లో వేదాంతం సదాశివ మూర్తి అనే వ్యక్తి కృత్రిమ అవయవ కేంద్రాన్ని నిర్వహిస్తుంటారు. అతి తక్కువ రేటుకు కృత్రిమ అవయవాలను పేదలకు అమరుస్తుంటారు. తాజాగా ఆయన ఓ లేగదూడకు ఉచితంగా కృత్రిమ కాలును అమర్చారు. దీనికి సంబంధించిన వీడియో నెట్టింట వైరల్ అయింది. దీనిపై స్పందించిన మంత్రి లోకేశ్.. సదాశివ మూర్తిని ప్రశంసించారు. మూర్తి దయా హృదయం చాలా గొప్పదని, త్వరలోనే ఆయనను కలుస్తానని ఎక్స్‌లో ట్వీట్ చేశారు.