చైనా మరోసారి కవ్వింపు చర్యలకు దిగింది. తైవాన్ సమీపంలో సోమవారం సైనిక విన్యాసాలు ప్రారంభించింది. భారీగా విమానాలు, ఓడలను ద్వీప దేశం చుట్టు పక్కల మోహరించింది. తైవాన్‌కు ఉత్తర, దక్షిణ, తూర్పు ప్రాంతాల్లో ‘జాయింట్ స్వోర్డ్-2024బీ’ పేరుతో కసరత్తులు చేపట్టినట్టు చైనీస్ మిలిటరీ ఈస్టర్న్ థియేటర్ కమాండ్ తెలిపింది. ఇది తైవాన్ స్వాతంత్ర్య దళాల వేర్పాటువాద చర్యలకు ఒక హెచ్చరిక అని పేర్కొంది.