‘‘తెలుగు చలన చిత్ర రంగంలో నేనూ సభ్యుడినే’ అని అమితాబ్ అన్నారు. ANR జాతీయ అవార్డు ప్రదానోత్సవంలో ఆయన మాట్లాడారు. ‘చిరంజీవి, నాగార్జున, నాగ్‌ అశ్విన్‌ తదితరులు తమ సినిమాల్లో నన్ను భాగం చేశారు. ఇప్పటి నుంచి నన్నూ తెలుగు చలన చిత్ర పరిశ్రమలో భాగంగా పరిగణించండి. వచ్చే సినిమాలోనూ నాకు అవకాశం ఇవ్వడాన్ని మరవొద్దు. అవార్డు అందజేత విషయంలో నాకు ఈ గౌరవం కల్పించిన అక్కినేని నాగేశ్వరరావు ఫౌండేషన్‌, నాగార్జున కుటుంబ సభ్యులకు ధన్యవాదాలు’’ అని పేర్కొన్నారు.