పాన్ కార్డు 2.0 ప్రాజెక్టుకు కేంద్ర ప్రభుత్వం గ్రీన్ సిగ్నల్ సిగ్నల్ ఇచ్చింది. దేశవ్యాప్తంగా త్వరలోనే క్యూఆర్ కోడ్‌తో కొత్త పాన్ కార్డులను తీసుకురానున్నట్లు వెల్లడించింది. అయితే పాత పాన్ కార్డులు ఉన్నవారు కొత్త వాటికోసం దరఖాస్తులు చేసుకోవాల్సిన అవసరం లేదని తెలిపింది. పాన్ కార్డు 2.0 అనేది పాత పాన్ కార్డుకు అప్‌గ్రెడేషన్ ప్రాజెక్ట్ మాత్రమే అని చెప్పింది. కాగా, ఈ కార్డు ద్వారా మొబైల్ నంబర్, పుట్టిన తేదీ వంటి సవరణలు చేసుకోవచ్చు.