ఘనంగా సద్దుల బతుకమ్మ సంబురాలు

సద్దుల బతుకమ్మ సంబురాలలో మహిళలు గురువారం ఆనందోత్సాహాలతో పాల్గొన్నారు. సంస్కృతి, సాంప్రదాయాలు ఉట్టిపడేలా బతుకమ్మ ఉత్సవంలో మహిళలు పెద్ద ఎత్తున ఒకే చోట చేరి బతుకమ్మ ఆటపాటలతో పండుగ వైభవాన్ని చాటి చెప్పారు. హనుమకొండ నగరంలోని పద్మాక్షి దేవాలయం ముందు వేలాదిమంది మహిళలు బతుకమ్మ ఉత్సవంలో పాల్గొన్నారు. ఆటపాటల అనంతరం బతుకమ్మలను పద్మాక్షమ్మ గుండంలో నిమజ్జనం చేశారు.