అనంతపురం టిడిపి కార్యాలయంలో ఎమ్మెల్యే దగ్గుపాటి ప్రసాద్ చేతుల మీదుగా సీఎంఆర్ఎఫ్ చెక్కుల పంపిణీ జరిగింది. ఈ సందర్భంగా 50 మంది లబ్ధిదారులకు మొత్తం 63 లక్షల రూపాయల చెక్కులను అందజేశారు. గతంలో ఎన్నడూ లేనివిధంగా సీఎంఆర్ఎఫ్ ద్వారా పేదలకు సహాయం అందిస్తున్నామని, ఇప్పటివరకు 452 మందికి దాదాపు 5 కోట్ల రూపాయల చెక్కులను అందించామని ఎమ్మెల్యే తెలిపారు. మైనార్టీలకు అత్యధిక ప్రాధాన్యత ఇస్తున్నామని, వైసిపి హయాంలో ఇలాంటి సహాయం అందలేదని ఆయన పేర్కొన్నారు. ముఖ్యమంత్రి చంద్రబాబు పేదల ఆరోగ్యం పట్ల ప్రత్యేక శ్రద్ధ చూపుతున్నారని తెలిపారు.
టీటీడీ విద్యాసంస్థల అభివృద్ధికి రూ.118.89 కోట్లు కేటాయింపు