‘ఆకాశ్’ మిస్సైల్ పరీక్ష సక్సెస్ (వీడియో)
ఉపరితలం నుంచి గగనతలం వైపుగా దూసుకెళ్లి శత్రు లక్ష్యాలను ఛేదించగల ‘ఆకాశ్’ క్షిపణి వ్యవస్థను భారత సైన్యం వెస్ట్రన్ కమాండ్ ఆదివారం పరీక్షించింది. ఈ పరీక్షలో 'ఆకాశ్' క్షిపణి విజయవంతమైంది. భారత రక్షణ దళాల కార్యాచరణ సంసిద్ధతను అంచనా వేసేందుకు ఈ మిస్సైల్ను టెస్ట్ చేశారు. ఆకాశ్ క్షిపణి వ్యవస్థను డీఆర్డీఓ స్వదేశీ టెక్నాలజీతో అభివృద్ధి చేసింది. మొదటి బ్యాచ్ ఆకాశ్ క్షిపణులను 2012 మార్చిలో భారత వాయుసేనకు ప్రయోగాత్మకంగా అందించారు.