శ్రీకాకుళం: తలసేమియా వ్యాధితో బాధపడుతున్న చిన్నారులను ఆదుకునేందుకు ఇండియన్ రెడ్‌క్రాస్ సొసైటీ శ్రీకాకుళం జిల్లా శాఖ ఆధ్వర్యంలో, నెక్స్‌టెరా వరల్డ్ ప్రైవేట్ లిమిటెడ్ సహకారంతో శనివారం శ్రీకాకుళం పట్టణంలో రక్తదాన శిబిరం నిర్వహించారు. ఈ శిబిరాన్ని యువజన సర్వీసుల శాఖ ముఖ్య కార్యనిర్వహణాధికారి ఎల్. విశ్వేశ్వరరావుతో కలిసి రెడ్‌క్రాస్ జిల్లా శాఖ చైర్మన్ పి. జగన్మోహనరావు ప్రారంభించారు. ఈ సందర్భంగా జగన్మోహనరావు మాట్లాడుతూ, విద్యార్థులకు వృత్తిపరమైన నైపుణ్యాలతో పాటు సమాజం పట్ల సేవాగుణాన్ని అలవర్చడం ఆదర్శనీయమని అన్నారు. శిబిరంలో 25 మంది యువకులు స్వచ్ఛందంగా రక్తదానం చేశారు. రక్తదానం ద్వారా ఎంతో మంది ప్రాణాలను కాపాడవచ్చని నిర్వాహకులు తెలిపారు.
దీపావళి కానుకగా అన్నదాత సుఖీభవ నిధులు జమ