శ్రీకాకుళం జిల్లా పారిశుధ్య నిర్వహణలో రాష్ట్రంలో 2వ స్థానం, సాంఘిక సంక్షేమ పాఠశాలల్లో 3వ స్థానం, చిన్నారుల సంరక్షణలో 5వ స్థానం సాధించడం అభినందనీయమని జిల్లా కలెక్టర్ స్వప్నిల్ దినకర్ పుండ్కర్ కొనియాడారు. బుధవారం జరిగిన వీడియో కాన్ఫరెన్స్ సమీక్షలో ఆయన ఈ వివరాలు వెల్లడించారు. ఖరీఫ్ సీజన్ కింద ఈ-పంట నమోదును వంద శాతం పూర్తి చేయాలని, అర్హులైన రైతులందరినీ ప్రధానమంత్రి ఫసల్ బీమా యోజన పరిధిలోకి తీసుకురావాలని సూచించారు. పాలనలో పారదర్శకత కోసం ఇ-ఆఫీస్ విధానాన్ని వంద శాతం అమలు చేయాలని, భౌతిక ఫైళ్ల కదలికను నిలిపివేయాలని ఆదేశించారు. ప్రజా ఫిర్యాదుల పరిష్కార వేదికలో గడువు దాటిన పిటిషన్లను 0.5 శాతం లోపునకు తీసుకురావాలని స్పష్టం చేశారు.
రూ.2,000 లోపు ప్రీమియం స్మార్ట్వాచ్