పశ్చిమగోదావరి జిల్లా నరసాపురం నియోజకవర్గంలో తెలుగుదేశం పార్టీలో అంతర్గత విభేదాలు తలెత్తాయి. నరసాపురం మార్కెట్ యార్డ్ ఏఎంసి ప్రమాణస్వీకారం ఆహ్వాన పత్రికలో టీడీపీ మాజీ ఎమ్మెల్యే బండారు మాధవ నాయుడు పేరును చేర్చకపోవడంతో ఆయన అనుచరులు నిరసన తెలిపారు. ప్రస్తుత పార్టీ ఇంచార్జ్ పొత్తూరు రామరాజు తీరుపై అసంతృప్తి వ్యక్తం చేస్తూ, ఆయనను తొలగించి కొత్తవారిని నియమించాలని డిమాండ్ చేశారు. సుమారు వెయ్యి మంది కార్యకర్తలు బైక్ ర్యాలీ నిర్వహించి, మంత్రి గొట్టిపాటి రవికుమార్ సమక్షంలో నినాదాలు చేశారు. ఈ సమస్యను ముఖ్యమంత్రి చంద్రబాబు నాయుడు దృష్టికి తీసుకెళ్తానని మంత్రి హామీ ఇవ్వడంతో నిరసన విరమించారు.
గిరిజనుల కష్టాలు చూసి రోడ్లు వేస్తున్నాం: పవన్ కళ్యాణ్