జూబ్లీహిల్స్ పోలీసులు ఏటీఎంను బద్దలుకొట్టి నగదు దోచుకెళ్లాలని ప్రయత్నించిన వేణుస్వామి అనే వ్యక్తిని అరెస్ట్ చేశారు. నిజామాబాద్ జిల్లా బోధన్కు చెందిన వేణుస్వామి, సులువుగా డబ్బు సంపాదించాలనే దురుద్దేశ్యంతో జూబ్లీహిల్స్లోని ఎస్బీఐ ఏటీఎంను లక్ష్యంగా చేసుకున్నాడు. బుధవారం తెల్లవారుజామున 2 గంటలకు కర్ర, ఇనుప పరికరాలతో ఏటీఎం బాక్సును ధ్వంసం చేస్తూ నగదు దోచుకోవడానికి ప్రయత్నించాడు. ఈ క్రమంలో అలారం మోగడంతో అప్రమత్తమైన సిబ్బంది, స్థానికులు పోలీసులకు సమాచారం అందించారు. వెంటనే చేరుకున్న పోలీసులు, పారిపోవడానికి ప్రయత్నించిన నిందితుడిని పట్టుకున్నారు. నిందితుడిపై కేసు నమోదు చేసి రిమాండ్కు తరలించారు.
పంత్ బూతు పదం వాడకంపై స్పందించిన గవాస్కర్