బతుకుదెరువుకు గల్ఫ్ వెళ్లిన వ్యక్తి అనారోగ్యంతో మృతి చెందాడు. చంద్రాయన్పల్లి తండాకు చెందిన మోహన్నాయక్ 12 ఏళ్లుగా సౌదీలో ఉపాధి పొందుతున్నారు. 4 నెలల కిందట స్వగ్రామం వచ్చి వెళ్లారు. వారం కిందట గదిలో కుప్పకూలడంతో ఆస్పత్రికి తరలించగా.. మెదడులో రక్తం గడ్డకట్టిందని శస్త్రచికిత్స చేశారు. కోమాలో ఉన్న మోహన్ ఆదివారం రాత్రి మృతిచెందినట్లు వైద్యులు ధ్రువీకరించారు. ఆయనకు భార్య, ముగ్గురు కూతుళ్లు, కుమారుడు ఉన్నారు.