ఖమ్మం జిల్లా, జూలూరుపాడులో నర్సింగ్ విద్యార్థిని హరిణి హత్యపై సమగ్ర విచారణ జరిపించి, వాస్తవాలను వెలుగులోకి తీసుకురావాలని బుధవారం NFIW జిల్లా కార్యదర్శి ఏపూరి లతాదేవి డిమాండ్ చేశారు. హరిణి కుటుంబాన్ని NFIW ఆధ్వర్యంలో పరామర్శించి, కుటుంబ సభ్యులకు ధైర్యం చెప్పారు. ఈ సందర్భంగా హత్యకు దారితీసిన పరిస్థితులపై పూర్తిస్థాయి దర్యాప్తు నిర్వహించి, బాధ్యులపై కఠిన చర్యలు తీసుకోవాలని ప్రభుత్వాన్ని కోరారు. మహిళలు, విద్యార్థినుల భద్రతకు ప్రభుత్వం పటిష్ట చర్యలు చేపట్టాలని అన్నారు. ఈ కార్యక్రమంలో NFIW అధ్యక్షురాలు బత్తినేని నీరజ, మహిళా సంఘం నాయకులు పోటు కళావతి తదితరులు పాల్గొన్నారు.
దుర్గామాత శోభాయాత్రలో యువతిపై లైంగిక దాడి.. నిందితుడి అరెస్టు