బీఆర్ఎస్ సీనియర్ నాయకుడు డాక్టర్ ఆర్. ఎస్. ప్రవీణ్ కుమార్ భద్రతను వెంటనే పునరుద్ధరించాలని డిమాండ్ చేస్తూ కౌటాల మండల కేంద్రంలో బీఆర్ఎస్ నాయకులు రాస్తారోకో నిర్వహించారు. మాజీ ఎమ్మెల్యే కోనేరు కోనప్ప మద్దతుతో చేపట్టిన ఈ ఆందోళనలో నాయకులు రహదారిపై బైఠాయించి ప్రభుత్వానికి వ్యతిరేకంగా నినాదాలు చేశారు. డా. ఆర్ఎస్. ప్రవీణ్ కుమార్ భద్రతను తొలగించడం సరైంది కాదని, ఎలాంటి జాప్యం లేకుండా భద్రతను యథాతథంగా పునరుద్ధరించాలని ప్రభుత్వాన్ని డిమాండ్ చేశారు. ఈ కార్యక్రమంలో మండల ప్రజాప్రతినిధులు, బీఆర్ఎస్ నాయకులు, కార్యకర్తలు, కోనేరు కోనప్ప అభిమానులు, డా. ఆర్ఎస్. ప్రవీణ్ కుమార్ అభిమానులు పెద్ద సంఖ్యలో పాల్గొన్నారు.
ఇరుముడిలో ఆ సీన్లు తొలగించాలి: ఏపీ ఉపాధ్యాయ సమాఖ్య