పెద్దపల్లి జిల్లా మంథనిలో బుధవారం గాంధీ చౌక్ లో జరిగిన పరిచయ సభలో, మాజీ ఎమ్మెల్యే పుట్ట మధుకర్ బీఆర్ఎస్ పార్టీ నుంచి పోటీ చేస్తున్న 13 మంది మున్సిపల్ కౌన్సిలర్లను పరిచయం చేశారు. మంథనిని అన్ని విధాలుగా అభివృద్ధి చేయాలనే సంకల్పంతో తాము ముందుకు వచ్చామని, గతంలో ఇదే తరహాలో పని చేశామని ఆయన గుర్తు చేశారు. బీఆర్ఎస్ ప్రకటించిన 13 మంది అభ్యర్థులను గెలిపించుకోవాలని, తప్పు చేసిన వారిని ప్రజల ముందుకు తీసుకువస్తామని, ఇదే తమ మేనిఫెస్టో అని ఆయన స్పష్టం చేశారు. ఈ కార్యక్రమంలో మాజీ మంత్రి కొప్పుల ఈశ్వర్, కార్పొరేషన్ మాజీ చైర్మన్ శ్రీధర్ రెడ్డి, పుట్ట శైలజ, బీఆర్ఎస్ కార్యకర్తలు, వివిధ వార్డుల ప్రజలు పాల్గొన్నారు.
దుబాయ్లో చిక్కుకున్న పర్యాటకులకు సోనూ సూద్ ఉచిత వసతి