హరిద్వార్లోని గంగా నదిలో ప్రమాదవశాత్తు పడిపోయిన వ్యక్తిని NDRF సిబ్బంది ప్రాణాలకు తెగించి రక్షించారు. నీటి ప్రవాహం తీవ్రమై వ్యక్తి కొట్టుకుపోతుండగా, రెస్క్యూ బృందం వెంటనే స్పందించి నీటిలోకి దూకారు. తాడు సహాయంతో అతడిని పట్టుకుని సురక్షితంగా బోటులోకి తీసుకెళ్లారు. ఈ ఘటనకు సంబంధించిన వీడియో నెట్టింట వైరల్గా మారింది. సాహసోపేతంగా ప్రాణాలు కాపాడిన NDRF సిబ్బందిని నెటిజన్లు ప్రశంసలతో ముంచెత్తుతున్నారు.