మంగళవారం రాత్రి, కాచిగూడ నుంచి చిత్తూరు వెళ్తున్న వెంకటాద్రి సూపర్ ఫాస్ట్ ఎక్స్ప్రెస్ రైలును తిమ్మాపూర్ స్టేషన్ వద్ద ఆపేందుకు 30-40 మంది సభ్యుల ముఠా రైలు పట్టాలపై రాళ్లు పెట్టింది. రైలు ఆగకుండా వెళ్లడంతో, ముఠా రాళ్లతో రైలుపై దాడి చేసింది. పైలట్ సమాచారం మేరకు కాచిగూడ పోలీసులు సంఘటనా స్థలానికి చేరుకోగా, ముఠా పోలీసులపై కూడా రాళ్ల దాడికి పాల్పడి పారిపోయింది. ఈ దాడిలో ఇద్దరు మహిళలను పోలీసులు అదుపులోకి తీసుకున్నారు. వెంకటాద్రి సూపర్ ఫాస్ట్ ఎక్స్ప్రెస్ ఏసీ కోచ్ అద్దాలు ధ్వంసమయ్యాయి, ప్రయాణికులు భయభ్రాంతులకు గురయ్యారు. కాచిగూడ రైల్వే పోలీసులు కేసు నమోదు చేసుకుని దర్యాప్తు చేస్తున్నారు.
అంతర్రాష్ట్ర దొంగల ముఠా అరెస్ట్.. రూ.10.80 లక్షల నగలు స్వాధీనం