సూర్యాపేట జిల్లా, కోదాడ నియోజకవర్గంలో ఆదివారం ఎమ్మెల్యే నలమాద పద్మావతి రెడ్డి వాణి హాస్పిటల్లో చిన్నపిల్లల విభాగాన్ని ప్రారంభించారు. వైద్యులు డా. కంభంపాటి వంశీకృష్ణ, డా. నాగరపు ప్రణీత, డా. జాస్తి సుబ్బారావులతో కలిసి ఆమె ఈ కార్యక్రమాన్ని నిర్వహించారు. నిరుపేదలకు తక్కువ ఫీజుతో నాణ్యమైన కార్పొరేట్ వైద్య సేవలు అందించాలని, సేవాభావంతో పనిచేస్తే ఆస్పత్రికి మంచి పేరు వస్తుందని ఎమ్మెల్యే ఈ సందర్భంగా తెలిపారు. కోదాడ ప్రజలు చిన్నపిల్లల వైద్యం కోసం దూర ప్రాంతాలకు వెళ్లాల్సిన అవసరం లేకుండా వాణి హాస్పిటల్ సేవలను సద్వినియోగం చేసుకోవాలని ఆమె సూచించారు. ఈ కార్యక్రమంలో మున్సిపల్ చైర్పర్సన్ ఎర్నేని కుసుమ వెంకటరత్నం, వైస్ చైర్పర్సన్ దేవరపల్లి మల్లేశ్వరి కూడా పాల్గొన్నారు.
ఫీజు బకాయిలు అందక కాలేజీలు మూత పడుతున్నాయి: బండి సంజయ్