అయోధ్యలో వానరాల కోసం నటుడు అక్షయ్ కుమార్ రూ.కోటి విరాళం

బాలీవుడ్ నటుడు అక్షయ్ కుమార్ ఉదారతను చాటుకున్నాడు. దీపావళి కానుకగా అయోధ్యలోని వానరాల కోసం రూ.కోటి విరాళం ప్రకటించారు. అయోధ్య నగరంలో వానరాల పోషణ నిమిత్తం సేవా కార్యక్రమాలు నిర్వహిస్తున్న ‘ఆంజనేయ సేవా ట్రస్ట్‌’ వారికి ఈ విరాళాన్ని అందజేయనున్నట్టు ఆయన తెలిపారు. తాను చేస్తున ఈ సేవ దివంగతులైన తన తల్లిదండ్రులు, తన మామ, బాలీవుడ్‌ వెటరన్‌ నటుడు రాజేశ్‌ ఖన్నాలకు అంకితం చేస్తున్నానని అక్షయ్‌ తెలిపారు.