ఏపీలో సోమవారం నుంచి పల్లె పండుగ కార్యక్రమం ప్రారంభం కానుంది. దాంతో గ్రామ సభల్లో చేసుకున్న తీర్మానాలు కార్యరూపం దాల్చనున్నట్లు జనసేన ట్వీట్ చేసింది. రూ.4,500 కోట్లతో 30 వేల పనుల్ని చేపట్టనున్నట్లు పేర్కొంది. 500 కి.మీ. మేర బీటీ రోడ్లు, 3 వేల కి.మీ. సిమెంట్ రోడ్లను నిర్మించనున్నట్లు తెలిపింది. ప్రజలకు మంచి చేయాలనే దృఢ సంకల్పం కలిగిన నాయకత్వంతో రాష్ట్ర ప్రగతి పరుగులు పెడుతోందంటూ జనసేన ఓ వీడియోను విడుదల చేసింది.