నేడు గాంధీ ఆసుపత్రికి ప్రొ.సాయిబాబా భౌతికకాయం అప్పగింత

అనారోగ్యంతో కన్నుమూసిన విద్యావేత్త, మానవ హక్కుల కార్యకర్త, ప్రొ.సాయిబాబా(57) భౌతికకాయాన్ని సోమవారం గాంధీ ఆస్పత్రికి అప్పగించనున్నారు. నిమ్స్‌ ఆసుపత్రి నుంచి ఆయన భౌతికకాయాన్ని ఉదయం 9 గంటలకు గన్‌పార్క్‌కు తీసుకుని వెళ్తామని, అనంతరం మౌలాలిలోని శ్రీనివాస హైట్స్‌లో ఉదయం 10 నుంచి మధ్యాహ్నం 2 గంటల వరకూ సన్నిహితుల సందర్శనార్థం ఉంచుతామని, సాయంత్రం 4 గంటలకు గాంధీ ఆసుపత్రి అధికారులకు అప్పగిస్తామని సాయిబాబా సోదరుడు రాందేవ్‌ తెలిపారు.