తెలంగాణలోని మెదక్ జిల్లాలో బుధవారం ఘోర రోడ్డు ప్రమాదం జరిగింది. శివంపేట మండలం రత్నపూర్ వద్ద ఓ కారు ప్రమాదవశాత్తు కల్వర్టును ఢీకొనడంతో వాగులో పడింది. ఈ ప్రమాద ఘటనలో ఏడుగురు మృతి చెందారు. గాయపడ్డ వారిని స్థానికులు ఆసుపత్రికి తరలించారు. మృతుల్లో నలుగురు మహిళలు, ఇద్దరు బాలికలు, ఓ వ్యక్తి ఉన్నారు. వీరంతా పాముబండ తండాకు చెందిన వారిగా గుర్తించారు. రహదారిపై గుంతల వల్ల ప్రమాదం జరిగినట్లు సమాచారం.