బాలీవుడ్‌ నటుడు సల్మాన్‌ ఖాన్‌కు వరుస బెదిరింపులు వస్తున్న విషయం తెలిసిందే. ఇటీవల కూడా మళ్లీ బెదిరింపులు వచ్చాయి. ఈ క్రమంలో విచారణ చేపట్టిన పోలీసులు 24 ఏళ్ల నిందితుడిని అరెస్టు చేశారు. నిందితుడిని ముంబైలో అరెస్ట్ చేసినట్టు అక్కడి పోలీసులు తెలిపారు. ఇటీవల సల్మాన్ ఖాన్‌కి అత్యంత సన్నిహితుడు, ఎన్సీపీ నేత, మాజీ మంత్రి బాబా సిద్ధిఖీని బిష్ణోయ్ గ్యాంగ్ కాల్చి చంపింది. అప్పటి నుంచి సల్మాన్ టార్గెట్‌గా పలువురు బెదిరింపులకు పాల్పడుతున్నారు.