విశాఖ జిల్లాలో అర్హులైన 481 మంది జర్నలిస్టులకు తొలి విడతలో అక్రిడిటేషన్లు మంజూరు చేస్తూ జిల్లా మీడియా అక్రిడిటేషన్ కమిటీ ఆమోదం తెలిపింది. గురువారం కలెక్టరేట్లో కలెక్టర్ ఎం. ఎన్. హరేంధిర ప్రసాద్ అధ్యక్షతన జరిగిన సమావేశంలో ఈ నిర్ణయం తీసుకున్నారు. మొత్తం 571 దరఖాస్తులు రాగా, ప్రాథమికంగా 481 మందికి ఆమోదం లభించింది. నిబంధనల ప్రకారం అర్హులైన ప్రతి జర్నలిస్టుకు అక్రిడిటేషన్ కల్పిస్తామని కలెక్టర్ హామీ ఇచ్చారు. ఈ సమావేశంలో జిల్లా రెవెన్యూ అధికారి పి. సత్తిబాబు, సమాచార శాఖ ఉప సంచాలకులు కె. సదారావు మరియు కమిటీ సభ్యులు పాల్గొన్నారు.
యుద్ధంపై ఫేక్ పోస్టులు.. 19 మంది భారతీయుల అరెస్ట్